فندق سلمان الجزء الثالث

صحيت سلمي من النوم وهي مفزوعة من الحلم وفضلت تفكر وحست احساس غريب بيشدها ترجع الفندق تاني وتشتغل ،

جهزت سلمي شنطتها ودعت اخوها ووعدته هتجيبله كل حاجه حلو عشان تعوضه غيابها ونزلت علشان تروح الفندق

وصلت الفندق ..

صباح الخير استاذ نشأت انا جيت استلم الشغل

نشأت : اه اوكي اهم حاجه تلتزمي بشغلك وانتي ولا بتشوفي ولا بتسمعي ولا بتتكلمي

سلمي : تمام حاضر ولسه بتتحرك عشان تستلم الشغل

نشأت بعصبية : استني مهما حصل متفكريش تنزلي البدروم سامعه ولا لا

سلمي : تمام تمام وخرجت وهي قلقانه من طريقته

لما خرجت قابلت جميله بنت بتشتغل ف تنضيف الغرف وهي فعلا كانت جميله ..

سلمي : انا محتاجه استلم اليونيفورم بتاعي مكتب استاذه حنان فين اللي هتسلمني

جميله فضلت بتبصلها بدون اي تعليق ..

سلمي : انا بكلمك ع فكره

سمعت حد جاي من ورا …

كريم : هي عمرها ما هترد عليكي

سلمي : ليه مش فاهمه

كريم : ببساطة لأنها خرساء

جميله سابتهم ومشيت ..

سلمي : غريبه بس كانت تقدر تشاور ولا اي حاجه

كريم صدقيني هي كده من ساعة ما انا جيت فيه ناس بتقول انها كانت بتتكلم وحصلها صدمه وناس بتقول أن وقعت علي دماغها محدش عارف مالها ..

سلمي : عادي بقي دي مش اول حاجه غريبه فالمكان العجيب ده ..

كريم : شكلك اتعقدتي وهتمشي انتي كمان

سلمي : هو فيه حد مشي قبل كده

كريم : يوووه كتير

سلمي : وايه السبب

كريم بدون اي مقدمات مره واحدة بتلاقيهم اختفوا

سلمي : اختفوا

كريم : لا لا مش قصدي كده اقصد بدون ما حتي يمضوا استماره أنهم هيمشوا ولا بيبلغوا حد فجاه مش بنلاقيهم

سلمي : اكيد حد بيضايقهم

كريم : انا حضرت اتنين مشيوا ومشوفتش حد كلمهم اصلا

سلمي : انت شغال من زمان علي كده

كريم : لا من اربع شهور بس

سلمي يعني بنتين مشيوا فاربع شهور ازاي ده

كريم فيه واحده محاسبتهاش عشان مشيت تالت يوم

سلمي : طب سلاموا عليكم انا بقي

نشأت : حد قالك انك جايه هنا تسالي انتي جاية شغل مش رغي

سلمي : اصل انا ..

نشأت اتفضلي روحي لاستاذه حنان المكتب اخر الطرقه ع الشمال يلا

سلمي دخلت للاستاذه حنان …

حنان : اهاا سلمي الزي بتاعك جوة الشنطة دي عندك تلاته زي عشان اهم حاجه النظافه ويكون مكوي والأهم الالتزام ولا اسمع لا اري

سلمي : لا اتكلم فهمت استاذ نشأت وضحلي

حنان شكلك غلابوية وهتتعبيني

سلمي : دنا اغلب من الغلب بس اديني فرصه اثبتلك

حنان : هنشوف ودلوقتي اتفضلي ع غرفتك خلي حد من الرسيبشن يوريكي الغرفه البسي واطلعي استلمي ع طول

سلمي : حاضر اعتبريني اشتغلت وفهمت كل الشغل استاذنك

خرجت سلمي ولبست اليونيفورم ونزلت تمر ع الغرف …

وهي بتمر لاقت غرفه ٥٠٥ بيدخلها الراجل اللي صورته متعلقه ع البرواز تحت جريت عليه عشان تفهم مين هو وبتفتح الباب لاقت لاقيته مقفول فضلت تخبط كتير لحد ما جميله عدت من قدامها وبصت بخوف وجريت ع تحت استغربت جميله وخافت ونزلت هي كمان علي تحت وراها تفهم منها في ايه

وهي نازله قابلت كريم

سلمي : كريم مين فغرفه ٥٠٥

كريم : ايه خلاكي تروحي هناك

سلمي : ليه في ايه قولي مين هناك هو نفس الراجل اللي فالصوره مين الراجل ده فهمني ..

كريم : سلمي كلي عيش عشان متروحيش زي اللي قبلك

سلمي : اروح فين انا مش فاهمه حاجه متفهمني ؟