إمتى ضروري تقول لاء لطلبات لطفلك ؟

امتى الموافقة على طلبات طفلك ممكن تبقى بتأثر على شخصيته .. امتى كلمة حاضر هجيبلك بتفسد شخصية طفلك

1 متوافقش تجيب حاجة لطفلك علشان خايف على زعله .. لان الزعل بعد كده هيكون وسيلة ضغط منه عليك علشان يحقق كل اللي عايزه و يساومك .. ده هيراكم جواه شخصية بتدور حوالين احتياجها و رغبتها ..

2 متجيبش هدية أو حاجة بيحبها علشان حاسس بالذنب تجاهه بسبب اي غلطة عملتها ف حقه ..

لان كده انت بتوصله رسالة عن الذنب أو الأخطاء أنها حاجة هتقلل من مكانتك عنده و بالتالي محتاج تديله هدية علشان يصدق أنك بتحبه ..

و ده نفسه هيأثر على رؤيته للأخطاء .. لانه هيخرج للحياة و هيتعامل مع الناس و هيغلط .. رد فعلك معاه هينعكس فيه ..

اي موقف خطأ عملته تجاه ابنك او بنتك و جرحه .. فرصة كويسة للتواصل معاه .. فرصة انك تتعلم مهارة الاعتذار و الحدود و تنقلها لابنك 🩵

علشان المثالية مش انك متغلطش المثالية انك تكون واعي بالغلط .. و تسعى تعرف ليه بيحصل .. و مع الوقت بيتصلح ..

3 متقولش حاضر لحاجة انت مش عايز تجيبها لابنك أو مش قادر تجيبها .. لكن بتحاول تجيبها علشان اتحرمت منها ونت طفل أو كان نفسك فيها .. أو علشان ميحسش أنه محروم وهو بيبوص لأصحابه ..

• المشكلة مش في الحرمان المشكلة ف اننا مش بنشوف اللي معانا .. و مش بنقدر قيمة اللي ف أيدينا ..

زي مبنشوف اللي عند غيرنا من حاجات و اشياء ..

• المشكلة التانية ف اننا عندنا مفهوم مشوه عن القيمة .. عمر م كان حاجة تقلل مننا كآباء اننا نبقى مش قادرين نشتري حاجة لاولادنا أو تقلل من قيمة ولادنا .. سواء لعبة أو لبس بسعر معين أو اي حاجة الطفل حياته هتكمل من غيرها مش هتقف ..

• لذلك ينفع تعبر ك أب او كأم أن المتوفر معاك مش مناسب الحاجة دي ببساطة و بتواصل مع طفلك .. ومافيش مشكلة يعيط و يتخزل لان دي خبرة مهمة لتكوين شخصيته

–

4- متعوضش غيابك عنه لوقت طويل بأنه تجيبله حاجة بيحبها .. لانك كده بتقوله أن اللعبة أو الحاجة دي بديل ليك و لوجودك .. ابنك او بنتك محتاجين وجودك ووقتك و تشجيعك و حضنك و استماعك و حبك و حزمك .. ابنك و بنتك محتاجينك ..

محتاج تاخد الغياب فرصة تتعامل مع مشاعر الذنب و تقدم اعتذار مناسب للطفل ببساطة … اخللي الطفل يتفهم الوضع .. و تقدر تعوض عن ده بوقت معاه 🩵