فندق سلمان الجزء الأول

اهلا بكم ، اليوم نبدأ فى قصة سلمي فى فندق سليمان وتتكون من عدة اجزاء لكن سيتم كتابة القصة بالعامية المصرية

اسمي سلمي حياتي كانت ملخبطة شويه بابا مات وانا طفله انا حتي مشوفتوش وكملت حياتي مع ماما بس ماما اتجوزت بدل المره خمسة بيقولوا مش بيعيش ليها رجالة كل ما تتجوز راجل يموت لدرجة أن بقت الناس تخاف مننا
وفالاخر عيشت انا واخوية الصغير سولي وماما لوحدنا ..
نزلت اشتغلت عشان اساعد ماما علي المعيشة والدنيا كانت ماشيه يوم حلو ويوم مر
وفيوم صحيت من النوم علي صوت صاحب البيت بيزعق لماما وقال إن لازم نمشي عشان الايجار المتأخر …
صباح الخير ياماما في ايه ياعم جمال
يابنتي انا استحملتكم كتير لكن كده كفايه بقي ولازم تمشوا سبع شهور ايجار متاخر محدش يستحمل كل ده
سلمي : ازاي بس ماما انا مش كنت بديكي فلوس الايجار كل شهر
ام سلمي : تلاقيهم اتصرفوا مني مصاريف اخوكي كتير هعمل ايه يعني
سلمي : طب ياعم جمال ممكن تسامحنا وانا هجيب لك جزء جزء
جمال : واسامحكم ليه من بقية اهلي فلوسي تجيلي اخر الشهر مجتش يبقي دوروا علي مكان تاني وده عشان خاطرك ياسلمي يابنتي لكن امك
ام سلمي : مالها امها ياجماااااال
سلمي : خلاص ياماما . شكرا ياعم جمال اتفضل انت وانا اوعدك هتصرف
سلمي بصت لامها وهي متضايقة حرام عليكي ياماما انا تعبت بقي من الحمل ده تعبت ..
نزلت سلمي وهي مش عارفه تعمل ايه ولا طايقه نفسها راحت الاتيليه وقابلت صاحبة الاتيليه ( مدام ميرڤت )

سلمي : صباح الخير يا مدام كنت عاوزة اتكلم معاكي بس فموضوع
ميرفت : خير ياسلمي اوعي تقولي فلوس تاني
سلمي : طب هعمل ايه بس يامدام اصل صاح…
ميرفت : قاطعتها بدون متكملي انا م فاتحة سبيل ولا جمعية خيريه معيش فلوس ياحبيبتي
سلمي : اسمعيني بس يامدام انا والله ..
ميرڤت : قولتلك مفيش فلوس ياحبيبتي اوعي تبصي للايراد كله بيخرج تاني قماش وبضاعه وتنضيف ومرتبات ووجع قلب ياحبيبتي
سلمي : حرام عليكي انا بتكفي ع الفستان ساعتين وانتي فالأخر بتاخدي منه آلاف وبترميلي ملاليم
ميرفت : قل اعوذ برب الفلق اطلعي برة والف من يرضي ياحبيبتي وانا اقول الاتيليه حاله واقف ليه اتاريكي بومة اطلعي بره بره ..
سلمي بعياط اتقي الله ياشيخة حرام عليكي
خرجت سلمي وهي عماله تفكر تعمل ايه وهي كده اتطردت خالص من الشغل يعني ولا ايجار ولا اكل هتعمل ايه
وهي بتفكر لاقت واحد شكله غريب بدقن ومهلهل كده وهدومه متوسخة وشه اسمر قالها متقلقيش ياسلمي الحل هيجيلك بكره الصبح اتفزعت وفضلت تبصله لحد ما مشي وهو بيقولها ربك هيحلها متخافيش وهي اتسمرت مكانها

فضلت سلمي تدور وتلف ع شغل وملاقيتش وروحت من التعب نامت صحيت الصبح علي تليفون عمال يرن بتقول أيوة مين لاقت حد بيكلمها وبيقولها تعالي ع الفندق اللي فالعنوان ده عشان فيه شغل ليكي فرحت اوي وقفلت المكالمه بس سرحت وقالت هو انا ازاي حد كلمني انا مطلبتش من حد شغل فالمكان ده وافتكرت الراجل امبارح وكلامه فخافت فالاول بس قررت تروح معندهاش حل تاني قامت وجهزت نفسها ونزلت ركبت الاتوبيس عشان تروح الفندق
…. ياتري مين جابلها الشغل وهتلاقي ايه فالفندق تابع الجزء الثاني